Ойлгомжгүй бүдэгхэн үглээн
Шөнийн турш шивнэнэ
Өнгөгүй тунгалаг дүрснүүд
Шөнө болгон хажууд сүүтэгнэнэ
Гадаа гэртгүй тэд холхилдож
Гаслан зовлонгоо тоочин
Гуйж гувшиж, сүүрс алдан
Гэмшил ухаарлын номлолоор булдаг
Нулимсанд бүрэлзэх сүүдрүүд
Нэг л уйтай тунаран хөшилдөнө
Хөндүүр шаналалт ёолох чимээ
Хөнжилийн завсраар шургана
Гэгээн хүсэлдээ тэд тарчилдаг
Гарах гарцаа хайсаар цөхөрдөг
Гудамж хэсэн хүмүүсийг аждаг
Гэнэн хүмүүст бяцхан атаархдаг
Үзэн ядсан хоолой хяхтнана
Үсээн үгтээж зулгаах үзэгдэнэ
Үүр хаяарч гэгээ тусахад
Үймэлдэн сандарч орон доогуур шургана
Голдоо ортол гомдсон уйлаан
Гэрэлээс дайжин холдоно
Гаргүй, хөлгүй хүмүүс бэдчинэ
Гутралт үгс нь хацар шүргэж намайг цочооно.
2007.11.17