Өрөөн дотуур хөвөх загаснууд
Цонх мөргөөд зогсдог, зарим нь буцдаг
Дэрэн доогуур, гутал дотор түрсээ шахчихдаг
Даварсан зарим нь хоолийг минь булаачихдаг
Гэвч одоо яая гэхэв
Оюун ухаанаараа түрэмгийлэн эзлэж
Оршин суугчдийг нь гадуурхан, шахаад
Ичих ч үгүй даварсан гэчихлээ
Ирээдүйг нь золиослон, өөрсдийгөө л бодоцгоосон
Эрээ цээргүй биднийг загаснууд үзэн ядсангүй
Өгөөмөр тайван, тэр л янзаараа хөвсөөр л
Ээ хөөрхий бид загаснаас дор юм.